Почина голема фудбалска надеж на Атлетико Мадрид
Како што официјално соопштуваат од шпанскиот фудбалски клуб почина 14-годишниот играч Кристијан Минчола.
Во овој период додека следиме тешки вести за бројни заразени и починати во Шпанија од коронавирусот, нова голема тажна вест во спортскиот свет.
Како што официјално соопштуваат од шпанскиот фудбалски клуб на Атлетико Мадрид почина 14-годишниот играч Кристијан Минчола.
Претседателот на оваа екипа, Енрике Серезо изрази сочувство до семејството и рече дека во клубот се шокирани.
Atlético de Madrid is mourning the passing of our U14 player Christian Minchola. We join in the grief of his family, teammates and friends. May he rest in peace. pic.twitter.com/QZV8BGkHfY
— Atlético de Madrid (@atletienglish) March 28, 2020
Му предвидуваа голема фудбалска иднина, како голем талент, во клубот дојде во сезоната 2013/14.
Учинокот на овој перспективен играч беше над 50 голови за младиот тим.
Ниту од Атлетико, ниту во шпанските медиуми нема информација која е причината за смртта на овој млад фудбалер.
Играчот на првиот тим Коке веднаш се огласи на социјалните мрежи:
– Животот не е фер. Горд сум што го носеше овој дрес. Поддршка до колегите, семејството и пријателите. Почивај во мир – напиша Коке.