Eден од основачите на британската музичка група UB40, врвен саксофонист и текстописец Брајан Траверс, почина на 63 – годишна возраст по долга битка со тешка болест. Тажната вест е објавена на твитер – профилот на бендот.

„Со голема тага објавуваме дека почина нашиот пријател, брат, еден од основачите на UB40 и музичката легенда Брајан Траверс. Тој почина во кругот на своето семејство по долга и херојска битка со ракот“, објавија официјалниoт  твитер – профил од бендот.

It is with great sadness that we announce the passing of our comrade, brother, founding UB40 member and musical legend, Brian David Travers. Brian passed away yesterday evening with his family by his side, after a long and heroic battle with cancer. pic.twitter.com/V3EguMJCYY

— UB40 (@UB40OFFICIAL) August 23, 2021

Како што пишува „Дејли Мејл“ , музичарот имал тумор на мозокот и требало да му биде направена уште една операција.

UB40 се англиски реге и поп бенд, формирани во декември 1978 година во Бирмингем, Англија. Бендот има повеќе од 50 синглови на UK Singles Chart, и исто така постигна значителен меѓународен успех.

 

View this post on Instagram

 

A post shared by UB40 (@ub40official)

Четири пати беа номинирани за Греми наградата за најдобар реге албум, а во 1984 година беа номинирани за Британската награда за најдобра британска група. UB40 има продадено над 70 милиони плочи ширум светот. Етничката структура на оригиналната постава на бендот беше разновидна, со музичари од англиско, велшко, ирско, јамајканско, шкотско и јеменско потекло.