Вработените во Општина Ѓорче Петров ќе добиваат за 3000 денари повисока плата, почнувајќи од платата за ноември.

 Со цел да се „слушне гласот“ на вработените во однос на нивните права, првпат во општина Ѓорче Петров е формирана синдикална организација во рамки на Синдикатот за администрација и државнауправа на Македонија и првпат е потпишан колективен договор на ниво на работодавец. Со потпишување на овој колективен договор, покрај останатите права кои им се гарантираат на вработените, предвидено е и зголемување на платите, почнувајќи од платата за месец ноември за 3.000 денари – информира градоначалникот Александар Стојкоски.

Според него, со овие мерки се прават напори за подобрување на условите за работа на администрацијата.

 Во време на економска криза, високи сметки за електрична енергија и покачени цени во маркетите, ова е еден вид стимул за моите вработени. Очекувам и натаму ефикасно и ефективно да ја извршуваат својата работа, исклучиво во насока на интересите на граѓаните – вели Стојкоски.