Пипен е љубоморен на Џордан, затоа зборува дека Џејмс е најдобар
Дејвид Фалк, агентот кој се грижеше за кариерата на Мајкл Џордан, верува дека неговиот соиграч од славните денови во Чикаго е љубоморен на „летечкиот“.
Фалк кој ги изгледал сите 10 епизоди од „Последниот танц“ вели дека со документарниот филм некои работи излегоа или во наредните епизоди ќе излезат на виделина.
– Пипен во одредена мера беше љубоморен на Мајкл. Во последниот период многу пати изјавуваше оти мисли дека Леброн е подобар кошаркар од Мајкл Џордан. Доколку си Скоти Пипен и Мајкл Џордан ти ја направи целата твоја кариера, таквото мислење треба да го задржиш за себе. Проблемот на Скоти, а тоа се гледа на многу места во докуменрарниот филм е што не беше толку натпреварувачки настроен и постојано наоѓаше смешни изговори. Играл лошо поради мигрена, не можел да се врати? Дали вие мислите дека Џордан би направил такво нешто освен доколку не му беше ампутирана ногата – зборува Фалк.