Врховниот суд во Виена денеска ја потврди казната од пет години затвор за поранешниот двократен олимписки џудо шампион, Питер Зајзенбахер (60) поради сериозна сексуална злоупотреба на малолетни лица, пренесуваат австриските медиуми.

Виновен по сите обвиненија, сега Виенскиот повисок Регионален суд треба да донесе пресуда за валидноста на петгодишната затворска казна со која за првпат Зајзенбахер беше осуден од регионалниот суд во Виена во декември 2019 година.

Judo. La condamnation de Peter Seisenbacher pour viol sur mineures confirmée #Judo #Sport https://t.co/7T0VCxoNcs via @ouestfrance

— IntimeConv Etranger (@IntimeConvMonde) April 11, 2020

Тој е првиот џудист во историјата кој успеа да ја одбрани титулата на Олимписките игри. Шампион од Игрите во Лос Анџелес (1984 година) и Сеул (1988 година) во категоријата до 86 килограми.

После тие успеси, стана тренер во џудистички клуб во Виена. Таму во 1997 година сексуално нападна деветгодишно девојче кое до нејзината 14 година повеќепати беше злоупотребувано. За време на летниот камп во 2001 година се обиде да силува 16-годишно девојче, но тоа успеа да се одбрани. И во 2004 година сексуално нападна 13-годишно девојче.

Многу години подоцна беше започната постапка против него. Пред скоро три години, Зајзенбахер требаше да се појави на судење во декември, но тој замина во Украина, која веднаш го екстрадираше во Австрија, после неуспешниот обид на бегство со користење на лажни документи.