Грција очекува оваа година да има околу 85 луксузни бродови за крстарење во нејзините води, со вкупно 36.184 легла. Ова претставува годишен капацитет од 1.050.000 патници, додека предвидувањата за 2027 година се до 94 бродови со вкупно 44.764 легла и 1.378.000 патници, соопштија организаторите на Форумот за туризам Посидонија Море во 2023 година, пишува грчки Катимерини.

Теодор Вокос, управен директор на Посидониа Егзибишнс СА, изјави дека „според извештајот за истражување на пазарот, понудата за луксузен туризам на Грција се очекува да донесе годишен приход од 2,7 милијарди американски долари до 2030 година, регистрирајќи заеднички годишен раст од 11,5 отсто, од 2021 до 2030 година.

Значителен дел од овој приход ќе дојде од активноста на луксузни крстарења и трошење на копно од патниците со високи приходи во овој сегмент“.