Пеп Гвардиола четири години беше тренер на еден од најдобрите фудбалски тимови во историјата, Барселона со која освои три титули во Ла Лига и две во Лигата на шампионите, но неговата врска со каталонскиот тим е многу подлабока. Тој токму во Барселона ја започна и играчката кариера, 13 години беше дел од клубот како играч и пет како тренер.

Пеп си замина од Барселона во 2012 година и оттогаш го предводеше Баерн Минхем, од 2016 година е клупата на Манчестер сити, но сонува еден ден повторно да се врати на „Камп Ноу“.
Сега истото го потврди и неговиот татко Валенти.

– Не можам да ја отфрлам можноста еден ден Пеп повторно да се врати во Барселона како тренер или како личност која со своите совети ќе помага. Сепак, една работа е сигурна, тој никогаш нема да биде селектор на Шпанија – изјави Валенти.

Гвардиола кон крајот на мај ќе има шанса да дојде до нов трофеј во Лигата на шампионите бидејќи неговиот Манчестер сити во финалето ќе игра против Челси.