Во издание на издавачката куќа „Интеракција плус“, со материјална помош од Министерството за култура, а во рамките на програмата за поддршка на проекти од национално значење, излезе од печат книгата „Печатот на вистината“ од Гоце Ристовски. Тој е автор на повеќе од 20 прозни, драмски, критичко-есеистички и монографски книги.

– Најновата книга од Гоце Ристовски, „Печатот на вистината“, ја сочинуваат повеќе критичко-есеистички текстови, следејќи го начинот на кој театарот преживеа како жива традиција, постојано докажувајќи ја сопствената неопходност, менувајќи се во зависност од шемите на животот, често влијаејќи на нивниот облик и боја.

Оваа книга, според сфаќањето за театарот како згуснато време, опфаќа временски период што се протега од почетокот на театарот, од пред повеќе од две и пол илјади години, сѐ до денешен ден, притоа и на наше тло – истакнува проф. д-р Христо Петрески.

(Текстот е објавен во „Културен печат“ број 149, во печатеното издание на весникот „Слободен печат“ на 8-9 октомври 2022)