По протестните маршеви организирани од иницијативата „Обединети против фашизмот“ што се одржаа во Загреб, Риека, Пула и Задар, на социјалните мрежи се огласи пејачот Марко Перковиќ Томпсон, кој е икона на екстремните десничари во Хрватска.

Тој го сподели текстот од својата песна „Никој да не го допира мојот мал дел од универзумот“:

„…Патриотизмот го нарекоа фашизам
Така брани нивниот комунизам
Проѕирна демагогија…“

Загреб собра најмногу луѓе, околу пет илјади според неофицијални проценки, а околу илјада се собраа во Риека и Пула, додека неколку стотици се собраа во Задар.

Групи маскирани млади мажи се појавија и во Риека и Задар, предизвикувајќи низа инциденти.

Тие во Задар се туркаа со полицијата, која на крајот ги растера со солзавец. Неколку мажи од чамец фрлаа црвена боја врз демонстрантите, а во Риека група маскирани млади мажи фрлаа петарди врз антифашистичките демонстранти.

ВИДЕО | Антифашистички марш низ Хрватска: Маскирани мажи во црно фрлаа боја кон учесниците на протестот