Пандев помогна, но Џенова не успеа да искористи! (ФОТО+ВИДЕО)
Вечерва на стадионот „Луиџи Ферарис“ во Џенова домаќинот претрпе минимален пораз од Милан со резултат 1:2 во рамките од седмото коло во најсилното италијанско фудбалско првенство.
Во текот на првото полувреме Шоне им донесе водство на домаќините во 41 минута, но непосредно пред паузата остана со играч помалку поради црвениот картон на резервниот играч Сапонара. Во 51 минута „росонерите“ израмјија преку Хернандез, а шест минути подоцна Џенова продолжи без уште еден фудбалер на теренот поради црвениот картон Бираски и веднаш од пенал реализираше Кесје.
Не само кај домаќините, туку и кај гостите имаше двајца исклучени играчи, во 79 минута поради два жолти картони мечот предвреме го напушти Калабриа.
Во 88 минута во игра влезе македонскиот репрезентативец Горан Пандев кој во 93 минута убаво го пронајде Куаме кој на еден вешт начин успеа да изнуди пенал, но истиот не го искористи Шоне. Во 94 минута Кастиљехо од клупата за резерви на Милан доби црвен картон поради неспортски потег.
To hell and back…
Massive three points! ?⚫️®️ di Reina e Rimonta
3⃣ punti! #GenoaMilan #SempreMilan pic.twitter.com/avkBg4zyhV— AC Milan (@acmilan) October 5, 2019
Милан ја прекина негативната серија од три порази во низа и моментно е на 11 место на табелата во Серија А, а Џенова останува само на една победа досега сезонава и е на претпоследната 19 позиција со само пет бода.