Овој национален парк ѓубрето на туристите им го враќа по пошта (ФОТО)
Посетителите на националните паркови во Тајланд можат кратко по враќањето дома да примат пакети во кои управата им го испраѓа ѓубрето кое го оставиле зад себе.
После бројните посетители кои минатиот викенд зад себе оставија купишта ѓубре во Националниот парк Као Јаи близу Бангкок, министерот за животна средина Варавут Силпа-арча се досетил како ѓубрето да им го врати на сопствениците преку пошта.
Thailand’s Natural Resources and Environment Minister Varavuth Silpa-archa has come up with a way to deal with littering at Khao Yai national park, by sending the trash back to those who left it.https://t.co/zu980Ew6X0 pic.twitter.com/Wd7wEFdl7J
— Thai PBS World (@ThaiPBSWorld) September 16, 2020
„Го собравме вашето ѓубре и подготвивме картонска кутија и ви го испраќаме дома. Ова треба да ве подучи дека никогаш повеќе не треба да фрлате ѓубре“, стои во пораката приложена во пакетот.
Камперите кои по доаѓањто се пријавуваат во управата на Националниот парк па многу лесно може да се дознае нивната точна адреса и локацијата на нивните шатори покрај кои е оставен отпадот.
Несовесните кампери покрај кутијата со ѓубре ќе добијат и пријава од локалната полиција поради кршење на прописите за националните паркови, пишува порталот Таигер.
Министерот Варавут на својата страница на Фејсбук постави фотографија од празни шишиња и кесички од грицки подготвени за испраќање по пошта.
Загадувањето на околината со ѓубре е казниво со затвор до пет години или глоба до 500.000 бахти (16.000 долари), според тајландскиот закон за заштита на животната средина.
Националниот парк Као Јаи е отворен во 1962 година и е најстар национален парк на Тајланд. Со своите водопади, како и импресивниот растителен и животински свет на повеќе од 2.000 километри квадрати се смета за еден од најубавите парковите во оваа држава во југоисточна Азија.