Будимпешта финансира обид за уништување на Босна и Херцеговина, а Брисел во меѓувреме само ги преплавува проблемите на Балканот со пари и не дава отпор на националистите, пишува германски Велт.

Под наслов „Опасната игра на Орбан на Западен Балкан“, весникот оценува дека Унгарија како членка на ЕУ и НАТО го поддржува стремежот за отцепување на босанските Срби, а дека помошта во тие настојувања доаѓа токму од Брисел.

Весникот потсетува на посетата на унгарскиот премиер Виктор Орбан на Бања Лука минатиот ноември и на изјавата која во тоа време беше дадена во Република Српска , според која тие „уживаат целосна поддршка од премиерот Орбан и државата Унгарија – подршка која се однесува и за отцепување од Босна и Херцеговина.“ пренесува Дојче веле .

И покрај „кризата што им се заканува и на НАТО и на ЕУ“, текстот оценува дека „се чини дека овие грижи немаат никаква улога во Будимпешта“. Орбан ќе го блокира секој обид на Европската унија да воведе санкции на (Милорад) Додик. И повеќе од тоа – Унгарија стави на располагање 100 милиони евра помош за Република Српска.

Написот во германскиот весник ја цитира и изјавата на аналитичарот од БиХ, Јасмин Мујановиќ, кој тврди дека „Будимпешта финансира обид за уништување на Босна и Херцеговина“ и го наведува неговиот заклучок дека Орбан на тој начин „ја следи сопствената идеја за „христијанска Европа“. При што Додик е една алка во синџирот на нелиберални режими што Орбан сака да ги прифати во Европската унија како сојузник во неговата сопствена нелиберална коалиција – а потоа на ред за прифаќање и сојузништво во Еу ќе биде и Србија.

Велт, исто така, ја доведува во прашање улогата на европскиот комесар за проширување Оливер Вархеји кој е со „унгарско потекло и лојален следбеник на Орбан

„Неговата улога всушност го обврзува да ги застапува заедничките интереси на Унијата, а не земјата од која потекнува. Но, во тоа постојат сомнежи“, оценува германскиот весник.

Весникот , исто така, потсетува на документот на ЕУ „кој го покажува „вонредното ниво“ на координација меѓу Вархеји и сецесионистите во Република Српска“ напишан пред спорното гласање во парламентот на РС. законот за еднострано повлекување од државните институции во период од шест месеци “ , стои во документот кој Велт наведува дека го поседува.

Весникот цитира и писмо од група европратеници кои бараат истрага за улогата на Вархеи, во кое, меѓу другото, се наведува дека „доколку постои сомнеж за непристрасноста и неутралноста на Европската комисија, тогаш е загрозена чувствителната геополитичка рамнотежа“.

„Велт“ го обвинува Брисел и дека „проблемите на Балканот ги решава исклучиво со пари и не дава никаков отпор на националистите“, додавајќи дека земјите од регионот ; само од 2014 до 2020 година добиле околу 700 милиони евра за реформи – „без конкретен напредок, како што покажува последниот извештај на ревизорската служба на Европската унија“.