ОЈО бара парични казни за 45 лица
Обвинителите бараат казната да 100 дневни глоби, при што висината на една дневна глоба да биде определена на 20 евра.
Основното јавно обвинителство Скопје до Кривичен суд Скопје достави 39 предлози за издавање казни за 45 лица, обвинети за кривичното дело непостапување според здравствените прописи за време на епидемија.
Еден од обвинетите не ја почитувал наредбата за задолжителна самоизолација во траење од 14 дена, како мерка за спречување и ширење на заразната болест COVID-19.
Сите останати 44 лица не се придржувале до одлуката за забрана и посебен режим на движење на територијата на Македонија, односно за време на полицискиот час биле затекнати на различни локации во Скопје без да поседуваат дозвола за движење.
Јавните обвинители му предложија на судот да изрече парични казни од по 100 дневни глоби, при што висината на една дневна глоба да биде определена на 20 евра во денарска противвредност.