Официјално: Драган Стојковиќ Пикси е нов селектор на Србија

Фудбалската репрезентација на Србија конечно по два месеци, доби нов селектор, тоа е Драган Стојковиќ Пикси.
Извршниот одбор на Фудбалската федерација на Србија, денеска ја потврди одлуката популарниот Пикси да биде нов селектор. Тој ќе добие  договор до крајот на 2023 година, односно доби мандат да ја води репрезентацијата на Србија во квалификациите за СП 2022 година како и во квалификациите за ЕП 2024 години. Доколку Србија обезбеди пласман на ЕП, тогаш на Стојковиќ ќе му биде продолжен договорот за уште една година.

Во наредните денови се очекува да бидат дефинирани финансиските детали од договорот, а дебито на клупата на репрезентацијата, Пикси ќе го има на 24. март во натпреварот против Република Ирска.

Видео на денот