Французинот Карим Бензема е освојувач на „Златната топка“, која се доделува на најдобриот фудбалер на светот, за 2022 година. На церемонијата во Париз, Франција, наградата ја доби од славниот поранешен играч, Зинедин Зидан.

Напаѓачот на Реал Мадрид важеше за голем фаворит пред доделувањето на наградата во Париз, а малкумина беа изненадени кога тоа заврши во неговите раце.

Во претходната сезона постигна 44 гола и имаше 15 асистенции на само 46 натпревари и стана петтиот Французин во историјата кој го добил ова признание.

Еден од најзаслужните за 14 титула на Реал Мадрид во Лигата на шампионите, а за неговите настапи во нокаут фазата од континенталното натпреварување ќе се зборува уште долго, особено за хет-трикот против ПСЖ и Челси. Тој беше и најдобар стрелец на тоа натпреварување со 15 голови.

На второто место во изборот се најде Садио Мане, екс играч на Ливерпул, сега ги брани боите на Баерн Минхен, а на третата позиција се најде членот на Манчестер сити, Кевин де Брујне.

Инаку Сане ја доби инаугуративната награда „Сократес“, која се доделува за придонес во општеството. Напаѓачот на баварскиот гигант е познат по својата хуманитарна работа во Сенегал.

KARIM BENZEMA IS THE 2022 BALLON D’OR! ✨@Benzema@realmadrid#ballondor pic.twitter.com/TXLkHJIhJM

— Ballon d'Or #ballondor (@francefootball) October 17, 2022

Фудбалерот на Барса Гави прогласен за најдобар млад фудбалер