Вчера во СВР Куманово е пријавено дека на регионалниот пат населба Домачки Дол – Осичка Maала, кривопаланечко, на место викано „Радева воденица“, возило „цитроен саксо” управувано од Г.В.(49) од Скопје, излетало од коловозот. Во несреќата возачот се здобил со тешки телесни повреди констатирани во Комплексот клиники „Мајка Тереза“ во Скопје. Извршен бил увид од увидна екипа од Полициската станица Крива Паланка.

Истиот ден во СВР Струмица било пријавено дека на локален пат за с.Добрашинци, струмичко, во близина на мост на река „Струма“, патничко возило „форд фиеста“, со струмички регистарски ознаки, управувано од М.Д.(18) од с.Нова Mаала, струмичко, излетало надвор од коловозот. Во несреќата со тешки телесни повреди се здобила М.Д. и сопатникот Ж.М.(34) од с.Радичево, констатирани во Медицински центар Струмица.