Со интонирање на химните на Бугарија и на Европската Унија, започна церемонијата на примопредавање и прифаќање на извршната власт, одржана во зградата на Советот на министри. На неа присуствуваа актуелните министри на новоизбраната редовна влада на Бугарија на чело со премиерот Росен Жељазков, како и поранешните министри од официјалниот кабинет на чело со поранешниот вршител на должноста премиер Димитар Главчев.

„Мандатот на преодната влада го завршуваме задоволни за сработеното“, рече на свеченоста поранешниот привремен премиер Димитар Главчев.

Димитар Главчев ги истакна и успесите на неговиот технички кабинет.

„Можеме да сметаме на целосно прифаќање во Шенген, што е извонреден успех, да не речам дури и историски, земајќи ги предвид напорите на сите оние пред нас, кои беа направени во оваа насока“, рече Главчев.

Тој додаде дека се очекува утре или во рок од неколку дена да биде објавено дека Бугарија го исполнува и последниот критериум за прием во еврозоната – а тоа е ценовната стабилност. Тој му посака успех на Росен Жељазков.

„Многу добро ве познавам господине премиер, уверен сум дека ќе продолжите со истото темпо со кое работевме досега. Повеќето членови ги познавам лично и знам дека така ќе биде. Ви посакувам успех и многу сум среќен што ќе има редовен кабинет. Ова е многу важно за излез од политичката криза“, порача Главчев.

„За нас, како редовно избран кабинет, исклучително е важно да се потпреме на парламентарната поддршка, вложивме сериозни напори да добиеме широка поддршка“, рече бугарскиот премиер Росен Жељазков.

Според неговите зборови, коалицискиот договор на 4 партии е гаранција дека во следниот месец ќе се подготви и презентира програма за управување не само со цели и приоритети, туку и со конкретни политики и програми, како и со нивна финансиска заштита.

„Сеништето на трајни избори кои не можат да зрачат со власт, еднаш засекогаш во еден мандат на владеење, ќе заврши. Првите задачи се поврзани со влевање доверба во државната администрација и потребниот поттик за да се овозможи таа да функционира мотивирано таму. Нема време за губење, 100-те дена толеранција се одамна минато. Нашата задача е со добра синхронизација да ја впрегнеме државната машина за исполнување на политичките приоритети и цели, кои се утврдени во договорот Стабилни финансии, план за нивно балансирање, спроведување на очекуваните социјални политики“, додаде премиерот Росен Жељазков.

Бугарските пратеници гласаат за кабинетот на Жељазков, на повидок редовна влада