Нов скандал на Австралија Опен: Конфискувани транспаренти за Шуаи Пенг
Обезбедувањето на Австралија Опен конфискуваше транспаренти и маички на навивачите со написи кои се однесуваат на Шуаи Пенг. На нив пишуваше „Каде е Шуаи Пенг?“.
Кинеската тенисерка се најде во центарот на светската јавноста во ноември минатата година кога на социјалната мрежа Веибо, објави дека била сексуално злоставувана од поранешен кинески вицепремиер.
Објавата веднаш беше избришана од кинеската социјална мрежа, а потоа тенисерката ја „снема“ од јавноста и светските медиуми шпекулираа дека се наоѓа во домашен притвор.
Минатиот месец се појави видео во кое Шуаи Пенг рече дека никогаш никого не обвинила за сексуално злоставување и дека била погрешно разбрана. ВТА потоа ги суспендира сите тениски турнири кои треба оваа година да се играат во Кина.
Организаторот на Австралија Опен, објасни зошто ги одземале транспарентите и маичките на навивачите.
„Поради условите при купување на билети,не дозволуваме облека, банери или знаци кои имаат комерцијален или политички карактер. Безбедноста на Шуаи Пенг е наша главна цел, продолжуваме да работиме со ВТА за да ја појасниме нејзината ситуација и ќе сториме се што можеме за таа да биде добро“, стои во соопштението на Австралија Опен.
BREAKING – Australian Open security call in police on human rights activists @pakchoi_boi @maxmokchito for wearing “Free Peng Shuai” shirts, try force @pakchoi_boi to take off shirt in public area right next to @naomiosaka training session – the most vocal athlete on Peng Shuai pic.twitter.com/qAPPmEJEZt
— Drew Pavlou For Senate (@DrewPavlou) January 21, 2022
Video Part Two – Australian Open security call in police on human rights activists @pakchoi_boi @maxmokchito for wearing “Free Peng Shuai” shirts, try seize banner. I tried to reason with police over phone – how is it political to simply speak up for Peng Shuai’s rights? pic.twitter.com/duk36K06ki
— Drew Pavlou For Senate (@DrewPavlou) January 21, 2022