Се чинеше дека продажбата на Челси е завршена, дека сè е договорено, но зделката меѓу Роман Абрамович и холивудскиот магнат, милијардер и сопственик на Доџерс од Лос Анџелес, Тод Боли, може многу лесно да пропадне.

Според новинарот на „Скај“, Марк Клејнмен, „тешката“ зделка од 5,2 милијарди долари се заканува да се распадне поради крајно нелогичниот потег на сè уште актуелниот сопственик на клубот, Роман Абрамович.

Продажбата на Челси, начелно договорена, би можела да пропадне поради „недостаток на консензус со клубот за продолжување на процесот на продажба“, стравуваат од Министерството за спорт, а пренесува „Би-Би-Си“.

Во случај да не се постигне договор, Челси би се нашол во големи проблеми бидејќи би му се заканувало исфрлање од одредени клупски натпреварувања, пренесува „Скај“.

Повикувајќи се на извори во владата на Обединетото Кралство, според „Би-Би-Си“ известува дека сите аларми се поставени кога станува збор за завршување на процесот на продажба на Челзи и дека целата процедура може да биде прекината доколку не се испочитуваат роковите.

Revealed: The £4.25bn takeover of Chelsea FC has been thrown into fresh doubt amid “concerns” in Whitehall about assurances being provided by the Roman Abramovich. A failure to secure the licence needed to expedite the sale by the end of May could be disastrous. More soon.

— Mark Kleinman (@MarkKleinmanSky) May 16, 2022

Очигледно има уште простор за договор, но со оглед на роковите пред тимот од Лондон, јасно е дека на „сините“ им претстои крајно бурно лето.

Челси ги договори условите за продажба со конзорциумот предводен од Тед Боли, но сега постојат сериозни сомнежи дека Абрамович наводно одбива да се договори за деталите за продажбата.

Лиценцата на Владата, според која Челси работи од моментот кога му беа воведени санкциите на Абрамович, истекува на 31 мај, а за да биде завршена продажбата, треба да биде одобрена од Владата и Фудбалската асоцијација што е процес кој одзема многу време. Време кое Челси речиси го нема.

NEW: Govt says it is “alarmed” at Abramovich refusing to accept its proposed sale model for Chelsea. £1.6bn loan proving a big problem. https://t.co/aP3Y8ys4vu

— Martyn Ziegler (@martynziegler) May 16, 2022

Владата од своја страна има проблем со давање дозвола поради „комплицираната сопственичка структура“, што дополнително го усложнува долгот што постои кон Абрамович кој изнесува 1,6 милијарди фунти. Уште од самиот почеток на процесот на продажба на клубот, а во соопштението за продажба на клубот, Абрамович најави дека сите пари (4,25 милијарди фунти) ќе ги даде за хуманитарни цели, но долгот што Челси го има кон него не се споменува.

– Мора да се решат две ставки – каде и како ќе се слеваат парите од продажбата и кои се гаранциите што ќе ги добие Владата дека парите одат во хуманитарни цели. Иако јавно кажа дека парите ќе ги даде за хуманитарни цели, Абрамович за тоа не даде никакви законски гаранции, ниту пак законски се обврза да го стори тоа – вели извор на „Би-Би-Си“.

Во секој случај, има два рока кои мора да се запазат – рокот за истекување на лиценцата и почетокот на јуни, кога истекува рокот во кој Премиер лигата им издава лиценци на клубовите.