НЕВЕРОЈАТНО ОТКРИТИЕ: Во фиоката им стоела ШАХОВСКА ФИГУРА вредна повеќе од милион евра
Шаховската фигура која недостасувала во средновековен сет откриен пред 200 години, пронајдена е во домот на единбуршко семејство.
Никој од семејството не знаел дека фигурата му припаѓа на Луисовиот шаховски сет, а на аукција би можела да достигне и цена од еден милион евра.
Сетот е пронајден на Луисовиот остров во 1831 година, но од него недостасувале пет фигури за кои не се знаело каде се.
Дедото на сегашната генерација на семејството од Единбург во чија сопственост се наоѓа една од фигурите бил трговец со антиквитети, а фигурата ја купил за 5 фунти во 1964 година.
Ни тој не знаел за значењето на девет сантиметри високата фигура направена од заби на морж, па антиквитетот 55 години стоел зафрлен во фиока, а никој од семејството не знаел што поседува.