„Нетфликс“ отпушти 150 вработени, губи претплатници
Околу 150 вработени на компанијата „Нетфликс“ беа отпуштени во вторникот, главно во Америка, приближно еден месец откако стримиг-сервисот најави намалување на бројот на претплатници за прв пат по 10 години.
Портпаролот на Нетфликс изјави за „Форбс“ дека бавниот раст на приходите и деловните потреби, а не индивидуалните перформанси, се причината за отпуштањата.
Портпаролот рече „никој од нас не сака да се збогува со толку одлични колеги“ и дека компанијата има намера „да ги поддржи низ оваа многу тешка транзиција“.
„Нетфликс“ објави загуба од 200.000 претплатници во првиот квартал, што е остар пресврт во однос на очекувањата да додадат 2,7 милиони. Компанијата соопшти дека очекува да изгуби уште 2 милиони претплатници овој квартал. По објавувањето на вестите, акциите на Нетфликс падна за 35% на приближно 220 долари и се тргуваше за околу 189 долари во вторник попладне.
Загубите делумно беа обвинети за споделување лозинки – „Нетфликс“ верува дека 100 милиони домаќинства ширум светот споделуваат лозинки, од кои 30 милиони се во САД или Канада. Ко-извршниот директор на Нетфликс, Рид Хестингс, рече дека услугата за стриминг ќе го истражи лансирањето нивоа со пониски цени, поддржани од реклами за да привлече клиенти и програма што ќе им овозможи на корисниците да плаќаат за дополнителни профили што можат да ги споделат, слично на тест-програмата што беше лансирана во Чиле, Коста и Перу претходно оваа година.
Нетфликс има над 11,000 вработени.