НЕСРЕЌА ВО УКРАИНА: Четири лица загинаа при принудно слетување на авион (ФОТО) – Слободен печат
ВестиПланета

НЕСРЕЌА ВО УКРАИНА: Четири лица загинаа при принудно слетување на авион (ФОТО)

Транспортниот авион АН-12 морал да слета итно во близина на украинскиот град Лавов бидејќи му снемало гориво.

Четири лица загинаа кога авион Антонов АН-12 слета во Украина, соопштија од тамошното Министерство.

Транспортниот авион АН-12 морал да слета итно во близина на украинскиот град Лавов бидејќи му снемало гориво, соопшти Министерството за инфраструктура.

Според првичните информации, четири лица загинале при принудното слетување на авионот во близина на аеродромот, изјави украинскиот министер за инфраструктура Владислав Криклиј на својот профил на Фејсбук.

Во соопштението на итната служба се вели дека советски авион со четири мотори исчезнал од радарот утрово во 6.10 часот, на 13,7 километри од аеродромот.

Еден член на екипажот на авионот ја повикал итната служба 19 минути подоцна, велејќи дека авионот принудно слетал еден и пол километар од аеродромот во Лавов. Во авионот имало седум членови на екипажот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Исто прочитајте

Close
Close