Егзибицискиот турнир Лејвер куп и оваа година е полн со тениски ѕвезди, кои играат за тимот на Европа и тимот на остатокот од светот. Во првиот натпревар, Доминик Тим и донесе бод на Европа со победата над Денис Шаповалов, но најинтересниот момент се случи на вториот натпревар во кој меѓу себе играат Фабио Фоњини и Џек Сок.

Сок го доби првиот сет со убедливи 6:1, додека во вториот сет при 5:4 за Фоњини, на одморот помеѓу гемовите, во улога на тренери на Италијанецот се најдоа Рожер Федерер и Рафаел Надал.

“No more negatives.”

No pressure @fabiofogna @rogerfederer | @RafaelNadal | #TeamEurope |#Lavercup pic.twitter.com/ly9wg4TbQT

— Laver Cup (@LaverCup) September 20, 2019

– Сега доаѓаат нови топки и ќе биде тешко, тоа е прва работа. Втората работа е дека не сакам повеќе негативности. Само позитива на терен, доколку погоди добар форхенд тоа е ОК, го почитуваме тоа. Верувај во добри работи. Не смееш да бидеш фрустриран и не смееш да мислиш дека нешто лошо ќе се случи – му зборуваше Федерер на Италијанецот, додека Надал стоеше од страна и постојано го охрабруваше тенисерот.

Советите на Федерер и зборовите со поддршка од Надал, вродија со плод, Фоњини во тај брејкот успеа да го добие сетот и да израмни на 1:1.