Вардар ја искористи првата можност да му се одмазди на Металург за поразот во финалето на ланскиот Куп на Македонија. Вардарци релативно лесно, иако резултатот вели поинаку, со 26:24 го победи Металург во Супер купот.

„Црвено-црните“ доминираа во текот на целиот натпревар, а на полувреме веќе имаа убедлива предност од шест голови (16:10). Во второто полувреме, Металург се обиде да се врати во игра но нивните обиди не зависеа од нив, туку од противникот. Веќе во 45. минута вардарци имаа предност од седум голови (25:18) по што тренерот Давид Писонеро одлучи да им даде шанса на сите ракометари, и таа ситуација ја искористи Металург кој со серија од 5:0 дојде до пристоен пораз од 26:24.

Најпрецизни кај освојувачот на Суперкупот беа руските репрезентативци Сергеј Горбок и Тимур Дибиров со по постигнати 6 голови, Глеб Калараш даде 4, додека кај Металург се истакна младиот Стефан Додиќ со пет постигнати голови.