Нејмар ќе може да му помогне на Бразил само во финалето?
Во натпреварот од првото коло во групната фаза кој Бразил го доби со 2:0 се повреди Нејмар, а иако се очекуваше Нејмар да биде спремен за нокаут фазата тоа изгледа нема биде случај.
Селекторот Тите најави дека бразилската ѕвезда ќе му се стави повторно на располагање на овој Мундијал, меѓутоа по последните прегледи шансите за такво нешто се мали. Рехабилитацијата на Нејмар тече побавно од очекуваното.
Според таткото на Нејмар, Да Силва Сантош напаѓачот на ПСЖ би можел да се врати дури за големото финале, секако ако Бразил стигне таму.
„Нејмар? Очекувам да се врати навреме за финалето. Тој ќе направи се за да му помогне на Бразил. Најважно е да се врати тогаш когаќ е биде здрав. Сите знаат колкаво влијание има мојот син врз овој тим, не сакаме да брзаме со враќањето“, изјави таткото на Нејмар.
„Кариоките“ пласманот во осминафиналето го обезбедија после двете стартни победи против Србија и Швајцарија.