Не постои такво нешто како „јаглеродно неутрална“ банана или пластично шише
Европското тело за надзор на потрошувачите БЕУЦ ја повика ЕУ да ја забрани употребата на тврдења како „јаглеродно неутрално“ за сите производи, вклучително и храна и пијалоци. Лажните пораки, како што се наведува, се широко распространети во прехранбениот сектор и ги збунуваат потрошувачите.
„Карбон неутрал“, „карботн диоксид неутрал“, „карбон сертифајд“ се само дел од ознаките кои дури 10 организации на потрошувачи од Европската унија ги пријавиле како проблематични, бидејќи клиентите не разбираат што значат ваквите пораки, но сепак избираат тие производи, имајќи предвид дека се оние произведени под посебни услови. Инаку, објавено е дека етикетите може да се видат на сите преработени производи, од свинско до банани.
Постоечката регулатива дозволува да се интервенира само откако ќе се направи штета на потрошувачите, па се смета дека ова е и можност да се реагира бидејќи потрошувачите се доведени во заблуда. БЕУЦ повика на целосна забрана на таквите тврдења за неутралност на јаглеродот, бидејќи, како што се вели, тие се научно недокажани и неточни бидејќи производството на сите видови храна и пијалоци секогаш ќе бара емисии на јаглерод.
– Не постои такво нешто како „јаглеродно неутрална“ банана или пластично шише со вода. Тврдењата за неутралност се димна завеса што остава впечаток дека компаниите преземаат сериозни мерки за влијанието на климата. Точно е дека со години одложуваат активности кои би донеле многу повеќе придобивки – изјави Моник Гојан, директорка на БЕУЦ, објави Политика.рс.