Навивачите на Јуве изненадени од првиот потег на Пирло! (ФОТО)
Андреа Пирло дојде како наследник на Маурицио Сари на тренерската клупа на Јувентус, а сега фановите со нетрпение ги очекуваат евентуалните промени кои ќе ги направи новиот стратег.
Според „Скај Спорт“ италијанскиот шампион го контактираше Шалке околу услугите на американскиот интернационалец Вестон МекКени.
Meet 20-year-old American soccer star Weston McKennie . Soon to be a Juventus player. ⚫⚪ pic.twitter.com/dL0vgUedGL
— Forza Juventus (@ForzaJuveEN) August 26, 2020
Има 21 година и може да игра на неколку позиции во средниот ред, а „Старата дама“ ќе се обиде прво да го ангажира како позајмица со право на откуп.
Јуве му нуди три милиони евра на германскиот клуб за едногодишна позајмица, а потоа се очекува за 18 милиони евра да го откупи неговиот договор.
Шалке зад себе остави сезона за заборав во која го освои 12 место во Бундеслигата, а токму МекКени беше една од ретките светли точки во екипата.