Науката вели дека ова се шесте најопасни намирници за здравјето
Во последниве години, здравата исхрана е сѐ повеќе во фокусот на младите и возрасните. За да знаете која храна е добра, а која лоша, клучно е да разберете од каде таа доаѓа. Лоша храна се смета онаа со мала или никаква хранлива вредност. Нездравата храна го зголемува ризикот од дебелина, дијабетес и срцеви болести.
Шест најопасни намирници за здравјето:
Пред сѐ, за опасни намирници се сметаат засладените пијалаци. Ако човек секојдневно ги консумира, потребно е постепено да го намалува нивниот внес. Газираните и слатките пијалаци треба да заземаат минимално учество во нашите менија.
На второ место се трансмастите. Трансмасните киселини настануваат како нуспроизвод на делумна хидрогенизација на растителните масла и при продолжено загревање на растително масло на повисоки температури. Имаат бројни негативни ефекти врз метаболизмот, особено во развојот на атеросклероза и кардиоваскуларни заболувања. Примери на храна која содржи трансмасти се маргарин, колачи, хамбургери и помфрит.
Следуваат рафинирани и додадени шеќери, кои предизвикуваат дебелина, а ги има во слатките, пченкарниот и јаворов сируп итн. Иако сите луѓе можат да имаат корист од намалувањето на внесот на шеќер, луѓето со дијабетес, висок крвен притисок и семејна историја на срцеви болести треба да обрнат посебно внимание.
Треба да се избегнуваат и заситените масти, бидејќи нивното прекумерно внесување може да го зголеми нивото на ЛДЛ или штетниот холестерол. Нездрав е исто мононатриум глутамат, еден од најраспространетите адитиви во храната, односно засилувачи на вкусот. И на крајот, опасна по здравјето се смета и рибата со висока содржина на жива, како што се ајкулата, туната и сабјарката, пишува „Марка“.