Бенин во последните неколку години стана водечки производител на памук во Африка, а сега најавува развој на сопствена текстилна индустрија, чии производи планира да ги пласира на европскиот пазар.

Бенин произведе 728.000 тони памук во 2020 и 2021 година и во моментов го извезува главно во Бангладеш.

„Одлучивме повеќе да не продаваме сиров памук. Ќе го преработиме, пред сè, со изградба на интегрирани текстилни фабрики“, рече Летонџи Бехетон, директор на индустриската зона Гло-Џигбе (ГДИЗ), на околу 45 километри од Котону.

ГДИЗ беше отворен пред две години како резултат на партнерство помеѓу владата и Arise Integrated Industrial Platforms, пан-африканска компанија делумно во сопственост на африканската развојна банка Africa Finance Corporation.

Досега во зоната се инвестирани повеќе од една милијарда долари, а во неа ќе бидат „домашни“ текстилни и фармацевтски фабрики, погони за преработка на кашу и други индустриски капацитети, рече Бехетон.

Системот за транспорт на памук од терен до фабрика се уште не е воспоставен, но ГДИЗ започна со обука на околу 1.000 работници кои првично ќе произведуваат облека од увезени материјали.

„Кога фабриката Гло-Џигбе ќе почне да работи, сигурен сум дека ќе заработиме повеќе“, рече 46-годишниот фармер на памук Леонард Маџаеду, кој доби владина поддршка за зголемување на приносот.

За 13 месеци, индустриската зона планира да вработи 15.000 работници во три текстилни фабрики, кои ќе имаат капацитет да преработат околу 40.000 тони памучни влакна, рече Бехетон.

Бенин на крајот треба да добие текстилна индустрија од повеќе милијарди долари, која би можела да преработува поголем дел од памукот во земјата, додаде тој.

Иницијативата за отворање работни места и генерирање приходи преку преработка на памук треба да го овозможи тоа