Нагелсман ќе биде новиот тренер на Баерн Минхен!?
Иако во текот на минатата недела, Јулијан Нагелсман ги демантираше ваквите информации, сега повторно се шпекулира дека тој ќе седне на клупата на баварскиот гигант.
Угледниот германски медиум „Билд“ објави дека Нагелсман ќе биде новиот тренер на Баерн Минхен. Иако самиот го негираше ова во средината на минатата недела, јасно е дека последните разговори сè уште беа во тек.
Лајпциг сега мора да се согласи на намалување на надоместокот за младиот германски стручњак кој е под договор до лето 2023 година.
Нагелсман нема минимална клаузула за отштета во договорот со Лајпциг, а Баерн го проценува на 25 милиони евра и е подготвен да плати за тоа, но Лајпциг наводно бара 30 милиони.
Иако има само 33 години, веќе е добро познато име на фудбалската мапа, со Лајпциг минатата сезона успеа да стигне до полуфиналето во Лигата на шампионите.
Во Баерн треба да дојде како наследник на Ханси Флик кој пак се поврзува со функцијата селектор на германската репрезентација.