Надал конечно ќе го каже судбоносното „Да“
Рафаел Надал по 14 години забавување со девојката Франциска Перељо Чиска, кон средината на јуни планира да го каже судбоносното „да“.
Иако се уште не е позната дефинитивната дата на свадбата, шпанските медиуми шпекулираат дека свадбата ќе се случи во јуни, по што се појави вест дека Шпанецот би можел да го пропушти неговиот омилен Гран слем, Ролан Гарос, поради медениот месец.
Иако не ја открија датата на свадбата, медиумите дознаа повеќе детали околу свеченоста.
Предвидено е свадбата да се одржи во Мајорка и се очекува присуство на 500 најблиски пријатели на двојката. Од колегите, покрај шпанските тенисери, се очекува присуство и на Швајцарецот Роже Федерер.
Што се однесува до храната, Надал и Чиска ќе имаат поинакво мени од традиционалните свадби. Поради специјалниот режим на исхрана на Надал, гостите на располагање ќе имаат специјалитети од традиционалната шпанска кујна во која доминираат рибата и месото.