По Новак Ѓоковиќ кој веќе е активен со тренинзите и се подготвува за „Adria Tour“ серијата турнири кои ќе се играат во регионот, и Рафаел Надал по двомесечна пауза почна со тренинзите.

– Мораме да го сведеме ризикот од повреди на минимум. На теренот не поминувам повеќе од 90 минуту, а има е денови кога воопшто не тренирам – вели Надал.

Шпанецот со нетрпение го очекува продолжувањето на тениската сезона каде го очекуваат дуели со големите ривали Ѓоковиќ и Федерер, но и со младиот бран на тенисери.

Надал ја открива тајната на успехот на големата тениска тројка која има вкупно 56 грен слем титули.

– Можеме да зборуваме за технички работи, но најважна е љубовта кон тенисот која ја чувствуваме ние тројца. Без тоа, ништо не е возможно и поради таа љубов ние постојано напредување, се прилагодуваме и се усовршуваме. Секој има свои стил, свои мотиви и цели, но сите можевме да напредуваме низ сите овие години и затоа сме тука каде што сме – открива Надал кој даде свое мислење и за новата генерација која треба да ги наследи.

– Младите веќе се тука, се борат и освојуваат титули. Се уште не освоиле грен слем трофеј бидејќи ние се уште играме и се надевам дека таа борба ќе потрае.