Српските цариници денеска на граничниот премин Шпиљани кон Црна Гора, заплениле 552.805 евра, соопшти денеска Царинската Управа на Србија.

Според нивното соопштение, прекршокот е откриен на влрз во Република Србија од правец на Црна Гора во автомобил со кој управувал турски државјанин, а кој на цариниците им пријавил дека кај себе носи само 8.000 евра.

Набрзо потоа, е откриено дека речиси сите шуплини на автомобилот се исполнети со пари, стои во соопштението.

Утврдено е дека станува збор за сума од дури 562.805 евра главно во помали апоени од 50, 20 и 10 евра.

Сите банкноти уредно биле наредени и запакувани во големи коверти кои потоа се редени под тапицирот на подот, страниците од возилото, резервното тркало како и под седиштата.

Против турскиот државјанин кој се бранел со молчење поднесена е соодветна кривична пријава.