Еден од најдобрите голмани на сите времиња, Џанлуиџи Буфон е разочаран по пировата победа на неговиот Јувентус над Олимпик Лион во Лигата на шампионите зашто остана без можност да го нападне трофејот кој му недостасува во богата кариера. На Јувентус му беше потребна победа со два гола разлика, но на крајот славеше само со 2:1.

– Се подготвивме за овој натпревар, се подготвувавме да не му овозможиме на Лион предност на теренот која би донела до голови. Но, по само 12. минути тоа падна во вода и подоцна ништо не ни помогна. Се обидувавме да останеме смирени, организирани, да создаваме шанси… Кога дојдовме до 2:1 почнавме повторно да веруваме во пласман во четвртфиналето, но не е лесно да се дадат три гола. Разочарани сме. Како и секој пат, влегуваме во ЛШ и сонуваме дека ќе стигнеме до крајот, а секоја година изгледа дека е таа вистиската – вели Буфон.