Монтана забрани користење на Тик Ток, законот стапува во сила од следна година
Монтана е првата американска сојузна држава која со закон ја забрани социјалната мрежа „Тик Ток“ на мобилните уреди.
За законот гласаа 43 од 54 советници, а истиот беше потпишан од гувернерот на Монтана, Грег Џанфорте. Законот ќе стапи во сила од јануари следната година. Неговото прекршување ќе се казнува со парична казна до 10.000 евра.
Законот наведува голем број контроверзии околу социјалната мрежа, вклучувајќи го и наводното следење на корисниците од страна на кинеските власти. Тик Ток која е во сопственост на кинеската компанија Byte Dance, е означена како закана за националната безбедност поради собирањето на кориснички податоци на таа социјална мрежа.
Исто така, се наведува дека оваа социјална мрежа ги поттикнува младите корисници да се вклучат во опасни активности преку различни предизвици, кои потсетуваат на фрлање предмети кон автомобилите во движење, вперување на светлото кон огледало додека не се запали, а потоа го гасне исклучиво со сопственото тело.
Кинеската компанија најави дека ќе преземе правни мерки за борба против забраната.
Владите ширум светот, вклучително и САД, ја забранија употребата на апликацијата на официјални уреди.