Некои млади луѓе во Алабама организираат коронавирус забави, односно се натпреваруваат кој прв ќе се зарази од ковид-19 по дружењето со заразени. Оној кој прв ќе се зарази, добива пари.

„Забавите се одржуваат во Тускалуса, а домаќините повикуваат заразени лица за да можат другите намерно да добијат вирус. Прво мислевме дека се работи за гласини. Потоа покренавме истрага и откривме дека овие информации ги потврдуваат лекарите, но и државните институции, изјави членката на Градскиот совет Соња Мекинстри за CNN.

Награда – парите од влезниците

„Првото лице на кого лекар ќе му потврди дека добило ковид-19 ги освојува парите собрани од влезниците за забавата. Во последните неколку недели во градот и во околината се одржани неколку такви собири“, додаде таа.

„Бесна сум поради тоа. Поради фактот што нешто толку сериозно и смртоносно се зема како шега. Не само што овие млади луѓе се неодговорно кон себе, туку тие можат да ги загрозат животите на нивните родители, дедовци и баби“, рече Мекинстри.

Градските власти спроведуваат истрага за овие наводи и работат на откривањето на таквите забави.

Во американската сојузна држава Алабама досега се забележани 39.000 случаи на зараза од коронавирус и речиси 1.000 смртни случаи.