Мистериозна болест сее смрт во Танзанија: Повраќаат крв и умираат во најтешки маки
Во Танзанија најмалју 15 лица починаа од мистериозна болест поради која повраќаат крв. Здравствените власти соопштија дека на југот на земјата се хоспитализирани повеќе од 50 лица поради неидентификувана болест која предизвикува мачнина. Во регионот Мбеја некои пациенти, главно мажи починале само неколку часа откако се разболеле.
Фелиста Кисанду, главната советничка за здравство во административниот округ Чуња, во Мбеја, соопшти дека тим експерти е испратен во областа за да ги прегледаат пациентите и да ја испитаат причината за болеста. Таа рече дека проблемот не зафатил пошироко подрачје и дека луѓето повраќаат крв само во месната заедница Ифумбо доколку предоцна дојдат во болница, пренесува Сан.
Таа рече дека причината за нивната болест се уште не е утврдена, а Министерството за здравство на Танзанија ја исклучува можноста од епидемија.
Примероци од водата и крвта на пациентите се анализирани на траги од жива, а Кисанду вели дека првите резултати покажуваат дека пациентите, главно мажи имаат тешка форма на чир во стомакот и заболен црн дроб.
– Ги советувавме да го одбегнуваат конзумирањето вода која не е безбедна за пиење, како и пушењето и алкохолните пијалоци, соопшти советничката.
#Tanzania: Health minister Dorothy Gwajika on Sunday, ordered relevant authorities to suspend Chunya District Chief Medical Officer Dr Felista Kisandu for issuing a statement on an alleged epidemic in contravention with the law. pic.twitter.com/nLTNbriiar
— Flash Radio & TV (@flashfmrw) February 8, 2021
Министерката за здравство Дороти Гварџика оцени дека Кисанду „непотребно крева паника“ меѓу населението.
-Поради подигнувањето на непотребна паника меѓу населението, наредувам суспензија на д-р Фелиста Кисанду за да може Медицинскиот совет да покрене истрага и да ме извести во рок од 10 дена, рече Гварџика.
Владини официјални лица соопштија дека слични симптоми се појавиле во регионот и во 2018 година, кога пациентите имале треска, мачнина и повраќале крв.
Сето ова се случува во моментот кога претседателот Џон Магуфули прогласи победа над ковид-19 со сила на молитвата.
-Со божна волја нашата земја се ослободи од короната, изјави на 9. јануари, шест недели откако владата престана да објавува податоци за коронавирусот.
