Потпретседателот на ВМРО-ДПМНЕ, Владо Мисајловски, во денешното гостување во „10 Минути“ на ТВ21 го демантираше вицепремиерот Артан Груби околу неговото тврдење дека се сретнале во врска со „Бехтел и Енка“.

Мисајловски вели дека таква средба немало.

-Не сме имале таква средба, средби во минатото сме имале на различни тематики, но за „Бехтел и Енка“ немало, вели Мисајловски.

Груби вчера изјави дека се сретнал со Владо Мисајловски, потпретседател на ВМРО-ДПМНЕ и поранешен министер за транспорт и врски.

-Тој исто така се сретна и со претставниците на „Бехтел и Енка“. Јас исто така се сретнав и со Владо Мисајловски, поранешен министер за транспорт и врски. Со Александар Николовски во врска со специјалниот закон и другите законски измени. Сите се согласија дека се потребни и дека имаат нивни предлози за подобрување на законските решенија, но никогаш не ни ги доставија, рече Груби.