„Милионерите“ ја одбија новата понуда на Јунајтед, покуса е за 22 милиони евра
Борусија Дортмунд не отстапува од претходно одредената сума за Џејдон Санчо.
Челниците на Борусија Дортмунд ја одбија најновата понуда на Манчестер јунајтед за услугите на Џејдон Санчо која пристигна откако англискиот обезбеди пласман во Лигата на шамионите наредната сезона. Според весникот „Билд“ понудата изнесувала 98 милиони евра и не е сума која ги задоволила апетитите на челниците на Борусија.
Имено, „милионерите“ за еден од своите најдобри фудбалери бараат 120 милиони евра и немаат намера да ја намалат таа сума иако фудбалот е погоден од пандемијата на коронавирусот.
„Билд“ пишува дека се очекува преговорите да продолжат и до крајот на преодиот рок екипите да најдат заеднички јазик по што Џејдон Санчо би се преселил на „Олд трафорд“.
Борусија Дортмунд веќе ја пронајде замената за англискиот репрезентативец, станува збор за фудбалерот на Лил, Џонатан Иконе и се очекува да го реализира трансферот веднаш по продажбата на Санчо.