Денес фудбалската репрезентација на Македонија ја чека силен тест против Саудиска Арабија во Абу Даби. Како што е познато Милевски на располагање за овој натпревар ќе има најголем дел фудбалери кои играат во првата лига.

Во термин кој не е во календарот на ФИФА и УЕФА, Милевски повика тројца интернационалци, меѓутоа пред тргнувањето поради повреда отпадна Мартин Стојанов, па останаа само „домаќинот“ Дарко Велковски и Кристијан Тошевски.

Селекторот Милевски во изјавата пред дуелот најави дека шанса денес ќе добијат веројатно сите фудбалери.

„Ја анализиравме селекцијата на Саудиска Арабија, иако со оглед на тоа дека мечот е од затворен тип, или тренинг натпревар, ќе има многу промени и шанса ќе добијат веројатно сите фудбалери. Акцентот го ставаме на нашата игра и можноста да ги исполниме тактичките замисли. Работиме добро на подготовките и утре треба сите да се увериме дека можеме да ја постигнеме целта. Против репрезентација која е учесник на Светското првенство мораме да бидеме и компактни и агресивни, но и трпеливо да ја бараме својата шанса“, гласеше изјавата на селекторот.

СОСТАВОТ НА МАКЕДОНИЈА:

Голмани: Кристијан НАУМОВСКИ (Шкупи), Костадин ЗАХОВ (Шкендија), Игор АЛЕКСОВСКИ (Работнички);

Одбрана: Дарко ВЕЛКОВСКИ (Ал Етифаг, Саудиска Арабија), Егзон БЕЈТУЛАИ (Шкендија), Марио МЛАДЕНОВСКИ (Шкупи), Кристијан ТОШЕВСКИ (Тирана, Албанија), Бојан ИЛИЕВСКИ (Македонија Ѓ.П.), Зија МЕРЏАНИ (Струга Трим Љум), Владица БРДАРОВСКИ (Шкупи);

Среден ред: Иван НИКОЛОВ (Брегалница), Адем АЛИ (Шкупи), Ферхан ХАСАНИ (Шкендија), Бунјамин ШАБАНИ (Струга Трим Љум), Бојан ДИМОСКИ (Академија Пандев);

Напад: Бесарт ИБРАИМИ (Струга Трим Љум), Влатко СТОЈАНОВСКИ (Шкендија), Љупче ДОРИЕВ (Шкендија), Кристијан ТРАПАНОВСКИ (Шкупи), Методија МАКСИМОВ (Работнички)

Натпреварот денес е закажан во терминот од 16:30 часот.