Милановиќ: Тоа не е наша војна, таа е на 2.000 километри од нас – кој ќе го надомести тоа што Хрватска ќе и подари 14 хеликоптери на Украина?
Претседателот Зоран Милановиќ, кој беше во Сплит на Економскиот факултет и присуствуваше на седницата на Економски совет, пред новинарите ја коментираше изјавата на премиерот Андреј Пленковиќ кој неколку часа претходно истакна дека е згрозен од отпорот на претседателот на Република Хрватска, Зоран Милановиќ, околу обуката на украинските војници во Хрватска, објави ХРТ.
– Јас сум згрозен затоа што тој е крал на крадците, а тој е згрозен што реков дека нема да дозволам Хрватска да биде вовлечена во војна. Тука сум да ја заштитам хрватската младина, изјави Милановиќ.
Нема да дозволам шарлатани и луѓе кои се грижат само за сопствените интереси да ја вовлечат Хрватска во ништо повеќе од минимум коректност и солидарност. Тоа не е наша војна! Така кажа Изетбеговиќ во 92- та година, а војната беше во неговиот двор. Ова не е во нашиот двор, ова е на 2000 километри од нас. Се однесуваме цивилизирано и тоа е се, рече категорично тој.
Тој додаде дека Хрватска, додека тој е врховен командант на вооружените сили, нема да учествува во оваа војна.
Милановиќ праша кој ќе го компензира тоа што Хрватска ќе и подари 14 хеликоптери на Украина.
– Што ќе добиеме за возврат? , додаде Милановиќ.