Меланија Трамп совршено се подготвила за своето доаѓање во Велика Британија во рамките на државната посета на американскиот претседател на оваа земја, кога го напушти Вашингтон во фустан инспириран од Лондон.

Иако американскиот претседател и првата дама уште во неделата се пристигнати во Лондон, сепак не можевме а да не го прикажеме овој нејзин совршен моден избор кој го искористи за пат накај Лондон.

Првата дама одеше во тревникот на Белата куќа во прекрасниот Гучи фустан, прекриен со слики со знаменитостите на британската престолнина, како Биг бен и зградата на парламентот.

Овој прекрасен фустан содржи портокалови и зелени нијанси, а на себе имаше и зелен појас. Меланија одлично го искомбинира овој фустан со високи потпетици во кремаста боја, а нејзината коса имаше нежни бранови и одлична елегантна шминка.

Доналд и Меланија Трамп во неделата пристигнаа во Лондон, каде веќе ја остварија и средбата со Кралицата Елизабета II.