Маж од Тексас отишол на „коронавирус забава“ по што се разболел и починал

Болница во САД / Фото: EPA-EFE/CRISTOBAL HERRERA

Мислев дека е лага, им кажал младиот пациент на медицинските сестри пред да почине.

Триесетгодишен жител на Сан Антонио, Тексас, отишол на „коронавирус забава“ по што се разболел и починал, јави Њујорк пост.

– Мислев дека е лага, им кажал младиот пациент на медицинските сестри пред да почине.

Според весникот, забавата била организирана од лице заразено со Ковид-19, и идејата била да се провери дали вирусот е реален и дали некој може да се зарази.

Американските медиуми пренесуваат извештаи за одржување коронавирус забави од страна на младите луѓе во државите како Аризона или Тексас, јави допсиникот на МИА.

Главно, тие се скептици и мислат дека коронавирусот е лага или пропаганда. Или пак сакаат да добијат антитела сметајќи дека од вирусот умираат само постари луѓе, но факт е дека се повеќе млади и претходно здрави лица, заразени од вирусот, завршуваат во болници или мртовечници.

– Мислам дека направив грешка, мислев дека ова е лага, но не е, кажал младиот тексашанец пред да почине, изјави медицинска сестра за Ен-би-си.

Државите како Тексас, Калифорнија или Флорида се нови жаришта на коронавирусот во САД, и во изминатите денови се регистрираат над 9.000 случаи на инфекција дневно во секоја, додека болничките капацитети се полнат.

Во Сан Антонио, јужен Тексас, на пример, досега се регистрирани над 18.000 случаи, со повеќе од 1.200 хоспитализирани пациенти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот