МАРВЕЛ снима 10 нови филмови во ЕРАТА ПО „AVENGERS“
На редовната конвенција на „Комик кон“ во Сан Диего, „Марвел“ објавија дека до 2022 година ќе излезат десет нови филмови, дел од ерата по „Avengers“.
Овој проект тие го нарекоа „четврта фаза“ и ги објавија сите планирани наслови за до крајот на 2021, како и плановите за понатаму.
Прв на листата е „Spider-Man: Far From Home“, а по него следува „Black Widow“ со Скарлет Јохансон, планиран за мај 2020.
Следен е „The Eternals“, во кој ќе глумат Ричард Меден и Анџелина Џоли, заедно со Кумаил Наниани, Брајан Хенри, Селма Хајек и Лорен Ридлоф.
Во 2020 ќе го гледаме и „The Falcon and the Winter Soldier“ кое ќе добие и ТВ-шоу.
За 2021 се планирани „Shang-Chi and The legend of the Ten Rings“ каде заедно ќе се појават Доктор Стрејнџ и Тор. Потоа, „WandaVision“, „Loki“, „Doctor Strange in the Multiverse of Madness“. Летото таа година ќе излезе ТВ-шоуто „What If?“, a до крајот на 2021 ќе излезат „Hawkeye“ и „Thor: Love and Thunder“ во кој покрај Крис Хемсворт ќе се појави и Натали Портман.
Ова се официјалните 10 потврдени филмови, а во текот на 2022 се испланирани три филмови чии наслови не се познати, како и втор дел од „Black Panther“, трет дел од „Guardians of the Galaxy“, втор дел за „Captain Marvel“, како и нови филмови од „Fantastic Four“ и „Blade“ во кој ќе глуми оскаровецот Махершала Али.