Марко Блажевски со нов апсолутен рекорд на Македонија (ВИДЕО) - Слободен печат
ОстанатoСпорт

Марко Блажевски со нов апсолутен рекорд на Македонија (ВИДЕО)

Пливачот Блажевски продолжува со одличните настапи, тој успеа денеска да оствари нов апсолутен рекорд на Македонија.

Во дисциплината 100 метри градно во квалификациите од патеката 4 успеа да постигне време од 1:02.88 минута на меѓународниот пливачки турнир „Бања Лука Опен 2019“ во Босна и Херцеговина.

Тоа беше воедно најдобар резултат на членот на пливачкиот клуб „Вардар“ од Скопје во таа дисциплина, турнирот, дури за нешто повеќе од две секунди побрзо од второпласираниот.

Принтскрин/live.swimrankings.net

Без сомнение се очекува и медал, а зошто да не и негов нов рекорд во истата дисциплина од нашиот Блажевски пред денешното финале на 100 метри градно кое треба да се одржи во 17:15 часот како што најавуваат организаторите.

Претходниот рекорд кој исто така беше во негова сопственост, остварен лани на квалификациите од Зимскиот национален шампионат во Гринсборо (САД) беше 1:03.05 мин.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close