Според последните информации македонскиот репрезентативец Елиф Елмас се очекува на клупата да биде за првиот натпревар на Наполи во Лигата на шампионите вечерва од 21.00 часот против бранителот на титулата во Лигата на шампионите, Ливерпул.

Шансата ќе ја чека како резерва, иако е познато дека тренерот Карло Анчелоти има голема доверба во еден од нашите најголеми фудбалски таленти, па можно е вечерва да дебитира во ЛШ на „Сан Паоло“ токму против „црвените“ на Јирген Клоп.

De los creadores de "10 jóvenes llamados a ser la revelación de la Champions" ('mainstream') llega… "10 jóvenes outsiders que buscan liarla en Champions" ? Dani Olmo, Hagi, Elmas, Lisandro Martínez…https://t.co/VvfhdnR8Fs
Aquí es donde @arubio_marca se ha gustado de verdad pic.twitter.com/UcXBHPo1Yx

— Fútbol Internacional (@MarcaFutbolint) September 17, 2019

Непосредно пред стартот на новата сезона во елитното фудбалско натпреварување, шпанската „Марка“ состави листа од 10 млади, но сеуште анонимни играчи од кои се очекува да блеснат во Лигата на шампионите, а помеѓу нив е и нашиот фудбалски „Дијамант“.

-Дани Олмо (Динамо Загреб)
-Јаниас Хаџи (Генк)
-Елиф Елмас (Наполи)
-Доминик Шобошлаи (Салцбург)
-Ибрахима Конате (Лајпциг)
-Лисандро Мартинез (Ајакс)
-Маркос Антонио (Шахтјор Доњецк)
-Ерлинг Браут Хааланд (Салцбург)
-Оливер Скип (Тотенхем)
-Алекс Мерет (Наполи)

Еве што вели шпанската „Марка“ за нашиот интернационалец Елиф Елмас:

„Македонецот пристигна во Наполи ова лето од Фенербахче за 16 милиони евра. Може да игра во средниот ред или како крило. Добро соработува со останатите соиграчи, може да се покаже и како „дриблер“. Еден комплетен играч, а знае да придонесе и во делот на одбраната. Постигна четири голови минатата сезона во турската лига“.