Враќањето на Кристијано Роналдо во екипата на Манчестер јунајтед предизвика вистински хаос меѓу навивачите на овој клуб.

Легендарниот Португалец уште еднаш ќе го носи дресот на „црвените ѓаволи“ од „Олд Трафорд“, а тој ќе се врати во клубот по 12 години во кои играше за Реал Мадрид и Јувентус.

Роналдо воедно ќе ја носи и легендарната „седумка“ на својот грб. Јунајтед се потруди да добие дозвола од Премиер лигата, за играчот да го носи неговиот славен број, а навивачите веднаш истрчаа да го купат новиот дрес.

Дресот во фан-шопот на Јунајтед чини 60 фунти, но само мал процент од продажбата на дресови оди во благајните на клубот од „Театарот на соништата“.

Јунајтед има седум проценти продажба на дресови според договорот со „Адидас“, што значи дека клубот добива 4,20 фунти за дрес од 60 фунти.

𝗢𝗽𝘁𝗶𝗼𝗻𝘀 🔴#MUFC pic.twitter.com/UfiQHXXvYN

— Manchester United (@ManUtd) September 3, 2021

Трансферот на Роналдо во Јунајтед ќе чини минимум 12 милиони фунти, неговата плата е 20 милиони фунти по сезона и затоа комплетните трошоци се нешто повеќе од 50 милиони фунти.

Ова значи дека Јунајтед ќе мора да продаде нешто повеќе од 12 милиони дресови за да го исплати трансферот на Роналдо, но нема сомневање дека неговиот ангажман ќе се исплати во следните две години.

ВИДЕО: Роналдо со тупаница го удри противничкиот играч, скандал од светски размери