Македонските фудбалери го имаа последниот тренинг пред натпреварот со Германија

Најдобрите македонски фудбалери во ноември ќе бркаат мундијалски бараж против Ерменија и Исланд/Фото: ФФМ

Избраниците на селекторот Благоја Милевски пред себе имаат голем предизвик, од тактичка смисла мора да се одигран на највисоко ниво, бидејќи противникот може многу лесно да казни и најмала грешка.

Вечерва најдобрите македонски фудбалери го имаа последниот тренинг пред натпреварот в понеделник против Германија во својот осми настап во квалификациите за пласман на Светското првенство 2022.

Микс селекција на младост и искуство, помладите кои ја добиваат шансата во секој следен меч треба да покажат и докажат зошто го носат националниот дрес, а постарите треба да им бидат пример како се останува долг период во А репрезентацијата.

– Да, ова е сосема поинаков меч од оној во Дуизбург и доколку сакаме да постигнеме нешто, ќе мора да бидеме на највисоко можно ниво – најави Милевски на денешната прес конференција.

Дуелот помеѓу Македонија и Германија ќе се игра утре (11 октомври) на Денот на народното востание со почеток од 20.45 часот на Националната арена „Тодор Проески“ Скопје, а главен судија ќе биде Холанѓанецот Дани Макели.

Видео на денот