Македонскиот игран филм „Скејтбордингот не е за девојчиња“, во режија на Дина Дума, својот пат го започна од срцето на Менхетн. Филмот синоќа премиерно беше претставен на фестивалот „Трајбека“ во Њујорк, кој се одржува од 3 до 14 јуни.

Проекцијата се одржа пред преполна сала на Менхетен, во рамките на фестивалот чиј основач е Роберт де Ниро. По прикажувањето на филмот, се одржа долга сесија на прашања и одговори, во која присутните упатиле пофалби за режисерката.

Во фокусот на дискусијата со Дума биле нејзината работа со актерската екипа и начинот на кој е постигната филмската автентичност.

Филмот „Скејтбордингот не е за девојчиња“ е втор долгометражен игран филм на Дума, по нејзиниот наградуван дебитантски филм „Сестри“. Сценариото го потпишуваат Дина Дума, Лидија Мојсовска и Теона Стругар Митевска. Продуцентка е Лабина Митевска, а копродуценти се Себастиен Делуа, Данијел Хочевар и Вања Сремац. Директор на фотографија е Фредерик
Ноаром, а во главните улоги се Ефќар Абаз, Симонида Селимовиќ, Џефрина Јашари и Ганимет Абдула.

Македонски филм со светска премиера на фестивалот „Трајбека“ во Њујорк