Унаи Емери стана синоним за Лигата на Европа, Шпанецот со Виљареал дојде до четвртиот трофеј во второто по ранг европско натпреварување откако претходно три пати триумфираше со Севиља (2014,2015,2016). Единствен пат кога не успеа да дојде до трофејот е кога пред две години со Арсенал загуби од Челси. Според Емери, успехот со Виљареал лежи во подготовките за финалниот натпревар против Манчестер јунајтед.

– Анализав 17 натпревари на Манчестер јунајтед минатата недела. Тоа е дел од работата. Тајната е работата. Фудбалерите покажаа добар менталитет за време на целото натпреварување во ЛЕ и во финалето. Можевме да се носиме со добар противник, да постигне гол и да го завршиме натпреварот. Изведувањето на пеналите не е лотарија, морате да бидете силни во главата кога ќе дојде вашиот ред да шутирате, а моите фудбалери беа фантастични. Се обидувам да им понудам се што ќе им овозможи подобра работа и познавање на противникот и како на најдобар начин да се соочат со проблемите. Секогаш мора да имаме одговори за се – вели Емери.

ВИДЕО: Де Хеа трагичар во пенал серијата, Виљареал ја освои Лига Европа!